EHE kasuak Euskal Herrian
Duela aste batzuetatik hona, Gaixotasun Hemorragiko Epizootikoaren (EHE) hainbat kasu detektatu dira Euskal Herriko abeltzaintzako ustiategietan.
EHE gaixotasun biriko ez-kutsakorra da fauna basatian, eta eltxo kulikoideen ziztadagatik transmititu zaio behi-aziendari, eta animalia hil dezake. Azpimarratu behar da ezin zaiela gizakiei transmititu eta ez dagoela inolako arriskurik behi-aziendaren haragiaren kontsumoan.
Gaur egun ez dago txerto baimendurik, ezta tratamendurik ere; beraz, oso garrantzitsua da intsektizidak eta uxagarriak animalietan erabiliz prebenitzea.
Gaixotasun horren sintoma garrantzitsuenak honako hauek dira:
- Aurpegiko eta betazaletako hantura
- Sukarra
- Arnasteko zailtasunak
- Aparra ahoan
- Muturra gorritu edo ezkatatzea
- Errapea gorritzea
- Mingainaren eta konjuntibaren hantura
Zubillaga adi
Zubillaga-Oñati Hiltegi eta Zatitze Zerbitzuak tokiko ustiategiekin edo ustiategi ekologikoekin lan egiten du batez ere; izan ere, gaixotasuna hedatzeko metodoaren ondorioz, arrisku handiagoa izan dezakete. Horregatik, garrantzitsua da azpimarratzea erakundeak bere prozesuetan aplikatzen dituen animalien ongizate-politikek eta abeltzainek beren ustiategietan aplikatzen dituzten zainketen kalitateak zaildu egiten dutela birusa hedatzea. Horregatik, abeltzain guztiak animatzen dira animalien ongizatean eragitera, birus mota horrentzat oztopo handiagoa baita, azken produktuaren kalitatea bermatuz.