Antxumea bogan dago
Antxume-haragiaren ekoizpena % 15,3 hazi da Espainiako estatuan 2022ko lehen seihilekoan.
Nekazaritza, Arrantza eta Elikadura Ministerioak egindako Abeltzaintza Sakrifizioari buruzko Inkestaren datuek erakusten dutenez, 2021eko lehen seihilekoan 4.941 tona ekoiztu ziren eta aurtengo aldi berean 5.696 tona, hau da, % 15,3ko igoera.
Zubillaga urratsak emanez
Ahuntz-haragiaren kontsumoak gaur egun Euskal Autonomia Erkidegoan duen egoera ez dator guztiz bat errealitate horrekin; izan ere, gaur egun maila baxuan dago autonomia-erkidegoen rankingean, tradizio handiagoko batzuetatik urrun, hala nola Gaztela eta Leon edo Andaluziatik.
Hala ere, Zubillaga-Oñati Sakrifizio eta Zabalkunde Zerbitzuak ahuntz-haragiaren kontsumoa sustatzeko eta modu jasangarrian egiteko lan egiten du. Azken aldian zentroan ahuntz-haragiaren inguruko jarduera handitzen ari da, nahiz eta hazteko marjina oraindik esanguratsua izan.
Ahuntz-haragia balio biologiko handiko proteina iturria da, eta 100 gramo elikagaiko 5 gramo gantz ditu; beraz, kontsumo osasungarriko elikadura-iturri interesgarria da.